Nú þegar 1. september er genginn í garð taka vetrarreglur um útivistartíma barna og ungmenna gildi. Lögreglan minnir foreldra og forráðamenn á breyttan útivistartíma.

Frá 1. september til 1. maí

Börn 12 ára og yngri mega lengst vera úti til klukkan 20:00

Börn og ungmenni á aldrinum 13 til 16 ára mega lengst vera úti til klukkan 22.

Útivistarreglunum er ætlað að stuðla að öryggi og velferð barna og ungmenna. Foreldrum og forráðamönnum er heimilt að stytta útivistartímann, en þeim er ekki heimilt að lengja hann.