Mikill vinnutími tapast við að Álfsnesið þarf að færa sig svona oft á dag. Skipið fer til dýpkunar á Ísafirði á meðan á þessu hléi stendur. Beðið er eftir að Herjólfur fari í slipp þar sem viðgerð vél, önnur af tveimur, verður sett í ferjuna.

Dýpið í hafnarmynninu er og ekki útlit að það muni breytast næstu 10 daga að minnsta kosti. Öldu- og veðurspá er einnig heldur óhagstæð til þeirra dýpkunar sem unnið hefur verið að upp við hafnargarðana sem er sú dýpkun sem eftir er. Mun betri nýting fæst með þessu móti, segir í fréttinni.

Baldur hefur lengi verið varaskip Herjólfs

Í annarri tilkynningu frá Vegagerðinni kemur fram að Baldur hafi um árabil verið skilgreint varaskip fyrir Herjólf. Samkvæmt útboðsskilmálum fyrir rekstur Breiðafjarðarferjunnar sé skipið rekið á þeim forsendum að það geti tekið við verkefnum Herjólfs þegar sérstakar aðstæður skapast.

Vegagerðin bendir á að þegar Baldur fer tímabundið úr siglingum á Breiðafirði sé gert ráð fyrir afleysingaþjónustu við Flatey. Í júní mun báturinn Særún sinna þeim siglingum á meðan Baldur þjónar samgöngum við Vestmannaeyjar.

Þá segir Vegagerðin að nýting Baldurs fyrir vöruflutninga yfir Breiðafjörð hafi dregist verulega saman á síðustu árum, meðal annars vegna bættra vegasamgangna á sunnanverðum Vestfjörðum.