Ekki hefur verið boðað til annars fundar í kjaradeilu Sjómannasambands Íslands og Samtaka atvinnulífsins vegna verkfalls undirmanna á Herjólfi. Fundað var í dag en lauk fundinum án niðurstöðu en þetta kemur fram á R�?V.is. Eins og áður hefur komið fram, hafa undirmenn verið í verkfalli í tæpar tvær vikur og lítið miðar í samningaviðræðum. Undirmenn hafa boðað hertari aðgerðir næstkomandi föstudag en frá og með næsta föstudegi munu undirmenn ekki mæta til vinnu. �?annig mun skipið ekki sigla áætlunarferðir föstudaga, laugardaga og sunnudaga og einungis eina ferð hina daga vikunnar. Verkfallið er farið að hafa verulega áhrif í Eyjum og munu hertar aðgerðir einungis bæta á þann vanda sem hefur skapast með þessum skertu samgöngum.