Eyjamaðurinn Elliði Snær Viðarsson er í úrvalsliði 20. umferðar þýsku 1. deildarinnar í handbolta. Elliði átti mjög góðan leik með liði sínu VfL Gummersbach þegar þeir sigruðu SG-Flensburg-Handewitt á þriðjudagskvöldið.

Gummersbach sigraði Flensburg 33-26 og skoraði Elliði átta mörk úr 11 skotum. Þetta var í fyrsta skipti sem Eyjamaðurinn er valinn í úrvalslið umferðarinnar, en deildin sjálf stendur fyrir valinu. Elliði var markahæstur í leiknum og fékk samkvæmt HPI-stuðlinum 90 stig.

Eftir 20 leiki situr Gummersbach í 6. sæti þýsku deildarinnar með 27 stig.