Eyjakonur mæta Grindavík/Njarðvík á JBÓ-vellinum í kvöld þegar 14. umferð Bestu deildar kvenna hefst. Flautað verður til leiks klukkan 18:00 og mikið er undir í baráttunni um efri hluta deildarinnar.

ÍBV situr í 4. sæti deildarinnar með 21 stig eftir 13 leiki, en Grindavík/Njarðvík er í 5. sæti með 16 stig. Með sigri geta Eyjakonur styrkt stöðu sína meðal efstu liða deildarinnar og aukið bilið niður í liðin fyrir neðan.

Liðin gerðu bæði jafntefli í síðustu umferð. ÍBV hefur unnið tvo af síðustu fimm deildarleikjum sínum, gert eitt jafntefli og tapað tveimur. Tveir aðrir leikir fara fram í Bestu deild kvenna í kvöld. Þór/KA tekur á móti Fram á Akureyri og á Hlíðarenda mætast Valur og Víkingur Reykjavík.

Leikir kvöldsins

• 18:00: Grindavík/Njarðvík – ÍBV (JBÓ-völlurinn)
• 18:00: Þór/KA – Fram (VÍS-völlurinn)
• 19:15: Valur – Víkingur R. (N1-völlurinn Hlíðarenda)

Eyjafréttir verða með umfjöllun um leikinn að honum loknum.