Guðni Th. Jóhannesson, forseti kom víða við í heimsókn sinni til Vestmannaeyja 23. og 24. janúar en stóra tilefnið var að þann 23. janúar var þess minnst að 50 ár voru frá upphafi Heimaeyjargossins 1973.

Guðni var viðstaddur minningarfund bæjarstjórnar í viðhafnarsal Ráðshússins þar sem hann ávarpaði fundinn. Heimsótti Framhaldsskólann og dagdvöl aldraðra á Hraunbúðum og Þekkingarsetrið.

Hitti nemendur Grunnskólans sem lásu gostengda texta. Tók nokkrar lykkjur með konum sem prjóna veifur á Bókasafni í tengslum við goslokahátíð í sumar.

Guðni og Katrín Jakobsdóttir, forsætisráðherra heimsóttu Hraunbúðir. Með í för voru Silja Elsabet söngkona og Helga Bryndís Magnúsdóttir píanóleikari sem fluttu nokkur lög.

Guðni og Katrín voru í tilkomumikilli blysför frá Landakirkju að Eldheimum og bæði fluttu þau ávörp í Eldheimum sem var hápunktur minningardagsins.

Daginn eftir kynnti forsetinn sér átakið Kveikjum neistann í Grunnskólanum og heimsótti fyrsta og annan bekk og kíkti við á kennarastofunni.

Þess má geta að Guðni byrjaði daginn með því að hlaupa hring með Magnúsi Bragasyni.

Myndatextar:

Íris sýnir Guðna hvernig á að taka í lykkju. Mynd Erna Georgsdóttir.

Þær voru kampakátar prjónakonurnar í Safnahúsi eftir heimsókn Guðna forseta.

Í Sagnheimum á efri hæðinni voru myndverk eftir nemendur í leikskólum og Grunnskólanum sem voru mjög tilkomumikil.

Íris bæjarstjóri og listakonurnar Helga Bryndís og Silja Elsabet. Mynd Erna Georgsdóttir.

Guðrún Jóhannesdóttir, Rúna tók vel á móti Guðna á Hraunbúðum eins og aðrir þar á bæ. Mynd Erna Georgsdóttir.

Katrín forsætisráðherra á spjalli við fólk á Hraunbúðum. Mynd Erna Georgsdóttir.