Samkvæmt heimasíðu Vestmannaeyjabæjar hefur nú verið ákveðið að hefja gjaldtöku á Heimaklett. Mun gjaldið vera ætlað til kynningar og uppgræðslu á Heimakletti.
“Í ljósi mikils ágangs hefur Umhverfis- og framkvæmdasvið ákveðið að hefja gjaldtöku á Heimaklett. Gjaldinu verður stillt í hóf eða 600 kr. á ferð.” segir í tilkynningu á Vestmannaeyjar.is “Mun gjaldinu verða ætlað að standa undir kynningum á Heimakletti og uppgræðslu. Til að gæta hagsmuna vina Heimakletts hefur verið ákveðið að bjóða upp á afsláttarkort á Heimaklett og er hægt að nálgast þau á skrifstofu Umhverfis- og framkvæmdasviðs, Hafnarhúsinu í dag fyrir kl. 12.00. Vinsamlega hafið með skilríki.”
Ekki náðist í �?laf Snorrason, framkvæmdarstjóra Umhverfis- og framkvæmdasviðs við vinnslu fréttarinnar.