Guðbjörg Guðmannsdóttir, handknattleikskona úr ÍBV er í úrvalsliði síðari umferðar N1 deildarinnar. Guðbjörg var einnig í úrvalsliðinu fyrir fyrri umferðina enda einn besti hornamaður deildarinnar og mikil íþróttakona. Bikarmeistarar Fram eiga þrjá fulltrúa í úrvalsliðinu, Íslandsmeistarar Vals tvo og ÍBV og HK sitt hvorn leikmanninn. Þá var Anna Úrsúla Guðmundsdóttir, línumaður Vals valin best og Hilmar Guðlaugsson, þjálfari HK valinn besti þjálfarinn. Úrvalsliðið má sjá hér að neðan.