Gul viðvörun og ábending frá Herjólfi
Skjáskot/vedur.is

Veðurstofa Íslands hefur gefið út gula viðvörun vegna veðurs á Höfuðborgarsvæðinu, Suðurlandi og á Faxaflóa. Í viðvörunarorðum fyrir Suðurland segir: Búast má við talsverðri sjókomu og takmörkuðu skyggni, einkum á Hellisheiði og í Þrengslum. Staðbundar samgöngutruflanir líklegar. Viðvörunin fyrir Suðurland tók gildi í dag, 29 nóv. kl. 12:00 og gildir hún til morguns, 30 nóv. kl. 05:00.

Þá sendi Herjólfur ohf. út ábendingu til farþega á þriðja tímanum í dag. Þar er farþegum sem ætla sér að ferðast með ferjunni í kvöld góðfúslega bent á að spá hefur tilkynna hækkandi ölduhæð við Landeyjahöfn. Allar ferðir eru þó á áætlun en ef gera þarf breytingu þá gefur skipafélagið það út um leið og það liggur fyrir.

Hvað varðar siglingar fyrir sunnudag og mánudag þá hefur spá tilkynna að aðstæður til siglinga í Landeyjahöfn eru ekki hagstæðar. Tilkynning vegna siglinga á sunnudag verður gefin út fyrir kl. 06:00 á sunnudagsmorgun. Á þessum árstíma er alltaf hætta á færslu milli hafna og því ekki æskilegt að skilja eftir farartæki í annarri hvorri höfninni (Landeyjahöfn/Þorlákshöfn).

Veðurhorfur á landinu næstu daga

Á mánudag (fullveldisdagurinn):
Austan og norðaustan 8-15 m/s, en 15-20 m/s við suðausturströndina. Rigning eða slydda á austanverðu landinu, en annars dálitlar skúrir eða él. Hiti víða 0 til 5 stig, en sums staðar vægt frost í innsveitum á Norður- og Austurlandi.

Á þriðjudag:
Norðaustan 8-15 m/s, hvassast suðaustanlands. Dálítil él víða um land, en yfirleitt þurrt og bjart á Suður- og Vesturlandi. Frost víða 0 til 5 stig, en sums staðar frostlaust við sjávarsíðuna.

Á miðvikudag og fimmtudag:
Norðaustlæg átt og él víða um land, en yfirleitt léttskýjað sunnan- og vestanlands. Frost víða 0 til 5 stig.

Á föstudag:
Útlit fyrir áframhaldandi norðaustanátt með snjókomu eða éljum og svölu veðri.
Spá gerð: 29.11.2025 08:18. Gildir til: 06.12.2025 12:00.

Nýjustu fréttir

Stjórnmál
Krefjandi umræða styrkir okkur
Aðsend grein
Viðbragð við svari Eyþórs
Aðsend grein
Sterkari grunnskóli og öflugri framtíð
Samgöngur
Samgöngur – ítrekuð áskorun til þeirra sem ráða
Fréttatilkynning
Jakob Frímann ásamt leynigesti á Hljómey Xtra í samstarfi við Aukakrónur Landsbankans
Áhugavert
Boltinn farinn að rúlla – og kosningabaráttan líka
Fréttir
Spurt og svarað: Rannveig frá Sjálfstæðisflokknum
Aðsend grein
Fólkið okkar og framtíðin
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.