Á dögunum þyngdi Hæstiréttur dóm Héraðsdóms yfir 23 ára gömlum karlmanni, fyrir nauðgun, sem átti sér stað í heimahúsi í Vestmannaeyjum. Í dómsorði Hæstaréttar kemur fram að ákærði skuli sæta fangelsi í tvö ár en að fresta skuli fullnustu 21 mánaðar af refsingunni og skal hún falla niður að liðnum tveimur árum frá uppkvaðningu dómsins, haldi ákærði almennt skilorð. �?á er ákærði dæmdur til að greiða brotaþola miskabætur að fjárhæð 800.000 kr. auk vaxta. Ákærði greiðir jafnframt allan sakarkostnað.

Brotið átti sér stað aðfaranótt sunnudagsins 22. nóvember 2009 en stúlkan drapst áfengisdauða í partíi heima hjá hinum dæmda og var lögð til í eitt af herbergjum hússins. Hún rankaði svo við sér þar sem hinn dæmdi var að nauðga henni en ákærði hætti þegar hún vaknaði. Maðurinn neitaði fyrir dómi að hafa haft samfarir við brotaþola þetta kvöld.