Í dag, 31.október, hefjum við í handknattleiksdeildinni samstarf með Kránni sem snýr að heimsendingu á mat. Þetta verður í boði á milli klukkan 18 og 20 alla daga.
Ef þú pantar fyrir 4.000 kr.- eða meira hjá Kránni getur þú fengið heimsendingu á matnum fyrir aðeins 500 kr.- sem renna beint til ÍBV og svo leggur Kráin sömu upphæð á móti í styrkt til deildarinnar.
Leikmenn meistaraflokka handboltans munu sjá um að keyra matnum heim að dyrum til þín!
Eins og áður sagði hefst verkefnið í kvöld og verða hjónin Sunna Jóns og Björn Viðar á fyrstu vaktinni.
Taktu því rólega heima, fáðu dýrindis kræsingar frá Kránni heim að dyrum og styrktu handknattleiksdeildina í leiðinni.
