Hjartabilunarverkefni - tilraunaverkefni á heilsugæslunni á Selfossi
Hjartabilun er ástand sem skapast þegar hjartavöðvinn hefur ekki getu til að dæla nægu blóði um líkamann. Skerðing á blóðflæði veldur einkennum eins og t.d andþyngslum, þreytu og minnkuðu úthaldi. Einstaklingar með hjartabilun eru stór sjúklingahópur, en talið er að 10-20% 70-80 ára fólks séu með hjartabilun. Göngudeild Hjartabilunar hefur verið starfrækt frá árinu 2004 á Landspítala, og hefur verið í samstarfi við Heimaþjónustu Reykjavíkur þar sem hefur verið unnið gott starf við að meðhöndla skjólstæðinga sem glíma við hjartabilun og hefur það samstarf gengið undir heitinu Hjartabilunarverkefnið. Nú hefur heimahjúkrun Heilsugæslunnar á Selfossi einnig hafið samstarf við Göngudeild Hjartabilunar og munu hjúkrunarfræðingar heimahjúkrunar þjónusta skjólstæðinga í umdæmi Heilsugæslunnar. Umdæmið nær yfir Árborgarsvæðið, Grafning og Flóahrepp. Aðal áherslur Hjartabilunarverkefnisins er að auka þjónustu skjólstæðinga með hjartabilun í heimahúsi, draga úr innlögnum á bráðamóttökur og á legudeildir, bæta líðan og auka lífsgæði, byggja upp traust og gott öryggisnet. En til þess að þjónustan skili árangri þarf að vera góð samvinna á milli einstaklings og þjónustuaðila, einstaklingurinn þarf að vera meðvitaður um sinn sjúkdóm, þekkja einkenni hans, þiggja stuðning til þess að takast á við breyttan lífsstíl, hafa stuðning frá fjölskyldu og öðlast færni til þess að takast á við breyttar aðstæður. Tíðni heimsókna til skjólstæðinga í Hjartabilunarverkefninu, fer eftir ástandi skjólstæðinga og reynt er að mæta þörf eftir bestu getu. Unnið er eftir stöðluðum fyrirmælum frá Göngudeild Hjartabilunar. Einkenni og ástand sjúklings eru metin og lyf og lyfjagjöf eru ákvörðuð í samstarfi við göngudeildina og lækna HSU. Einnig er veitt fræðsla um sjúkdóm, sjúkdómsástand og eru viðbrögð við versnun kennd.
�?að er von okkar að þetta samstarf við Landspítalann auki gæði þjónustu okkar í heimahjúkrun hér í heimabyggð.
f.h. Heilbrigðisstofnunar Suðurlands
Bryndís Erlingsdóttir
Hjúkrunarfræðingur á Heilsugæslunni á Selfossi

Nýjustu fréttir

Úr blaði Eyjafrétta
Skýr skilaboð frá flokksmönnum 
Aðsend grein
Framtíðarsýn og grunngildi – Hvert erum við að fara?
Samgöngur
Landeyjahöfn – Þurfum öflugt dæluskip
Úr blaði Eyjafrétta
Viljum frekar byggja upp en að rífa niður 
Samgöngur
Dæluskipið Álfsnes á Bíldudal
Úr blaði Eyjafrétta
Ótrúlegt að 1.200 manns taki þátt í prófkjöri í svona litlu samfélagi 
Sjávarútvegur
Lagt til að ráðist verði í könnunarveiðar á humri
Fréttir
Vel heppnaðri loðnuvertíð lokið
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.