„Mér sýnist að frumvarpið um stjórn fiskveiða sé nokkuð í anda þess sem boðað hefur verið að undanförnu. Tveir pottar niðurnegldir til fram­tíðar. En eitt stingur í augu fremur en annað. Það er ef mikil aflaaukning verður. T.d. ef þorskaflinn fer yfir 202.000 tonn þá fær litla kerfið til sín 60% af aukningunni. Alveg forkastanlegt að mínu mati. Útgerðir og sjómenn víðs vegar um landið hafa þreyð þorrann í von um betri tíð með blóm í haga. En nei, nei, gæluverkefni stjórnmálamannanna hafa forgang,“ sagði Valmundur Valmundsson, formaður Sjómanna­félagsins Jötuns, um frumvarp sjáv­arútvegsráðherra um stjórn fisk­veiða.