Í aðdraganda jóla - Auðbjörg Halla

Fjölskylda?

Gift Hallgrími Steinssyni, eigum þrjár dætur: Unni Birnu, Hrafnhildi og Önnu Steinunni, tvo tengdasyni: Guðmund og Egil, og eitt barnabarn, hana Aþenu Mey.

Hvernig leggjast jólin í þig? 

Rosalega vel, við verðum öll í Eyjum um jólin en vanalega höfum við verið í Reykjavík á jólunum.

Fer mikill undirbúningur í jólin hjá þér?

Hingað til hefur undirbúningur ekki verið mikill fyrir jól því við höfum alltaf fjölskyldan, nema einu sinni, verið í Reykjavík hjá tengdaforeldrunum. Auðvitað þetta hefðbundna eins og jólaskreyta og baka jólasmákökur og kaupa pakka en við höfum alveg sloppið við eldamennskuna sem mun koma sterk inn þetta árið.

Ertu með einhverja sérstaka hefð á jólunum?

Það er möndlugrautur hjá mömmu á aðfangadag en hún hefur oft fært hann til því við höfum ekki verið. Núna verður þetta hefðbundið, möndlugrautur í hádeginu hjá mömmu og pabba og síðan hittumst við aftur um kvöldið, borðum saman og opnum pakka. Við hittumst síðan aftur á jóladag og borðum hangikjöt og síðan er púkkið á sínum stað um jólin. Gamlárskvöld er síðan heima hjá okkur eins og alltaf, þá hittumst við stórfjölskyldan eftir mat og horfum á skaupið og skjótum upp flugeldum. Síðan kíkja oft vinir til okkar eftir miðnætti.

Hvert er þitt uppáhalds jólalag?

Er nú ekki mikil jólalagakona, ætli það sé ekki Ó helga nótt.

Hvað er í matinn hjá þér/ykkur á aðfangadag?

Það verður tvírétta hjá mömmu og pabba: hamborgarhryggur og síðan fyrir þá sem ekki þola vel reyktan mat hefðbundinn hryggur.

Hvað stendur upp úr á jólunum? 

Samvera með fjölskyldunni, ég hlakka mikið til þessara jóla þar sem öll fjölskyldan verður á Eyjunni og það verður sérstaklega gaman að upplifa jólin með barnabarninu sem er 17 mánaða og allt svo spennandi og skemmtilegt. Ég óska ykkar allra gleðilegra jóla og farsæls nýs árs.

Nýjustu fréttir

Íþróttir

Allison Clark tryggði ÍBV jafntefli með marki í blálokin

Herjólfur

Staða mála hjá Herjólfi

Íþróttir

Embla Harðardóttir sleit krossband gegn FH

Fréttir

Rannsóknarhola Eyjaganga komin á beinu brautina á ný

Samgöngur

Herjólfur með sjö ferðir til Landeyjahafnar í dag

Íþróttir

Geta Eyjastúlkur haldið pressunni á Breiðablik?

Íþróttir

Díana Dögg og Andrea spila oddaleik um þýska meistaratitilinn

Samgöngur

Herjólfur til Þorlákshafnar

Mest lesið

viðburðir

27. maí 2026

08:30

Hringferð SA í Akóges-salnum

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki