„Ég vil óska ykkur til hamingju með niðurstöðu í nýafstöðnu hlutafjárútboði og líka umsjónaraðilum, Arionbanka, Íslandsbanka og Landsbankanum fyrir sérlega glæsilega niðurstöðu,“ sagði Magnús Harðarson, forstjóri Kaup­hallar Íslands þegar hann bauð Ísfélag hf. velkomið í Kauphöllina í morgun.

Guðbjörg Matthísadóttir sem ásamt fjölskyldu er stærsti eigandi Ísfélags hringdi félagið inn í Kauphöllina á slaginu hálftíu í morgun. Athöfnin fór fram í brú Sigurðar VE 15 sem er eitt skipa félagsins að viðstöddu fjölmenni.

„Það er gaman að bjóða elsta starfandi hlutafélagi landsins velkomið í Kauphöllina, með um 6000 hluthafa er Ísfélgið sannkallað almenningshutafélag. Eru aðeins þrjú félög í Kauphöllinni sem skarta fleiri hluthöfum,“ sagði Magnús.

„Ísfélagið er líka meðal stærstu fyrirtækja í Kauphöllinni. Á útboðsverði er markaðsvirði félagsins 130 milljarðar og er það sjöunda verðmætasta fyrirtækið í Kauphöllinni. Með tilkomu Ísfélagsins heldur endurkoma sjávarútvegs í Kauphöllina áfram. Fjöldi sjávarútvegsfyrirtækja í Kauphöllinni náði hámarki árið 2000 þegar þau voru 24,“ sagði Magnús en þau hurfu úr Kauphöllinni en með tilkomu Ísfélags í Kauphöllina eru þau orðin þrjú.

Traust á eigendum, stjórnendum og starfsfólki

„Þetta er söguleg stund. Ísfélag var stofnað 1. desember 1991 og leggur nú síungt upp í nýtt ferðlag,“ sagði Gunnlaugur Sævar Gunnlaugsson,“ stjórnarformaður Ísfélags í ávarpi sínu.

„Það voru mikil tímamót í sögu félagsins fyrir rúmum 30 árum þegar Sigurður Einarsson, útgerðarmaður tók forystu í félaginu eftir að hafa sameinast með því að leggja fjölskyldufyrirtækið, Hraðfrystistöð Vestmannaeyja við Ísfélagið. Fjölskyldan hefur síðan farsællega leitt félagið sem orðið er eitt það glæsilegasta og öflugasta félag á landinu.“

Gunnlaugur Sævar sagði glæsilegt hlutafjárútboð bera mörgu vitni. „Hún sýnir auðvitað og vottar glæsileika félagsins og trú fjárfesta á framtíðinni. Hún staðfestir trú fjárfesta á kjölfestu fjárfestum félagsins, stjórnendum þess og starfsmönnum.“

Ísfélag verður til

Á hluthafafundi Ísfélags Vestmannaeyja hf. 15. Júní sl. samþykktu hluthafar að sameinast Ramma hf. Ísfélagið er yfirtökufélagið og munu hluthafar Ramma fá hlutabréf í Ísfélaginu. Félagið mun bera nafnið Ísfélag hf. enda er nú starfsemi félagsins á fjórum stöðum um landið; í Eyjum, á Þórshöfn, á Siglufirði og í Þorlákshöfn. Um fjörutíu manns, hluthafar og starfsmenn, sóttu fundinn í gær.

Í heildina starfa nú rúmlega 400 starfsmenn hjá sameinuðu félagi, við útgerðina bætast 4 skip, ásamt rækjuvinnslu á Siglufirði og fiskvinnslu í Þorlákshöfn. Bæði félögin hafa verið öflug og sterk á sínu sviði, annarsvegar í uppsjávarveiðum og hins vegar í bolfiskveiðum og gefur þetta aukin tækifæri til vaxtar og rennir styrkari stoðum undir rekstur beggja félaga.

Hlutafjárútboð

Almennu hlutafjárútboði Ísfélags hf. lauk kl. 14:00 þann 1. desember. Alls bárust um 6.500 áskriftir að andvirði um 58 milljarðar króna  sem samsvarar tæplega fjórfaldri eftirspurn. Rúmlega fimmföld eftirspurn var eftir þeim hlutum sem boðnir voru í áskriftarbók A og rúmlega þreföld eftirspurn var eftir hlutum sem boðnir voru í áskriftarbók B.

Mynd: Guðbjörg og fjölskylda sem viðstödd voru þegar Ísfélagið var hringt inn í Kauphöllina.

IMG 4540

IMG 4542

IMG 4545

IMG 4547

IMG 4548

IMG 4550

IMG 4554

IMG 4556

IMG 4558

IMG 4562

IMG 4563

IMG 4565

IMG 4566

IMG 4567

IMG 4568

IMG 4572

IMG 4575

IMG 4576

IMG 4577

IMG 4578

IMG 4588

IMG 4589

IMG 4596

IMG 4602

IMG 4605

IMG 4608

IMG 4619

IMG 4624

IMG 4630

IMG 4632

IMG 4635

IMG 4645