Jöfnunartækið menntun

Mín pólitík snýst um réttlæti. Réttlæti gagnvart fólki fyrst og fremst, undir það falla allar grunnstoðir VG sem snúast um umhverfisvernd, kvenfrelsi, friðarhyggju og félagslegt réttlæti. Öll eigum við rétt á að njóta velsældar í lífinu. Það á ekki að skipta máli hvaðan við komum, hvað við fengum í vöggugjöf, hverju við brennum fyrir eða við hvað við störfum eða hvort við getum starfað yfirleitt. Við í VG lítum svo á að menntakerfið sé eitt helsta tækið til að tryggja jöfnuð í samfélaginu. Með því að tryggja öllum menntun við hæfi, út frá áhuga og styrkleikum erum við að jafna tækifæri allra í samfélaginu.

Eftir að hafa starfað í næstum aldarfjórðung í menntakerfinu, lengst af í grunnskóla og nú í framhaldsfræðslu, veit ég að öll geta lært. Öll geta lært það sem þau langar til og áhugi þeirra og gildismat snúast um. Leiðin er þó ekki alltaf bein og breið. Það geta verið ljón á veginum og það á að vera hlutverk þeirra sem stjórna á öllum stigum í menntakerfinu að greiða leiðina framhjá ljónunum. Öflugt menntakerfi er samfélagsmál og því viljum við stefna að gjaldfrjálsri menntun á öllum skólastigum. Brúa þarf bilið á milli fæðingarorlofs og leikskóla, bæta þarf hag nemenda sem þurfa sértæka þjónustu, tryggja þarf jöfn tækifæri til menntunar óháð búsetu með því að efla bæði menntun í heimabyggð og fjarnám í framhalds- og háskólum auk þess sem tryggja þarf framhaldsfræðsluna í sessi. Menntun er grunnurinn að góðu og réttlátu samfélagi og öflugt menntakerfi er undirstaða þróunar og nýsköpunar, lífgæða einstaklinga og tryggir sem best velsæld og blómlegt atvinnulíf.

Fagurgali kann einhver að segja. Ég segi raunhæft, vegna þess að ég hef trú á þeim metnaði og eldmóð sem býr í stefnu Vinstri hreyfingarinnar græns framboðs. Ég einfaldlega treysti félögum mínum í VG áfram til góðra verka. Hólmfríður Árnadóttir sem er oddviti okkar í Suðurkjördæmi er reynsubolti úr skólakerfinu sem þekkir vel áskoranir, en það sem mér finnst einkenna hana er að hún hugsar í lausnum, hlustar á fólk og er óhrædd við að fara ótroðnar slóðir.

Ásamt fleiru eru þetta ástæður fyrir því að ég starfa með VG, það skiptir nefnilega máli hver stjórnar.

Helga Tryggvadóttir
Náms- og starfsráðgjafi
5. sæti VG í Suðurkjördæmi

Nýjustu fréttir

Stjórnmál
Jón Þór leiðir lista Miðflokksins – Sæunn er bæjarstjóraefnið
Herjólfur
Fyrri ferð föstudags felld niður
Íþróttir
Elliði Snær markahæstur gegn Svíum
Fréttir
Laxey á Seafood Expo North America
Úr blaði Eyjafrétta
Trúin og andlegt starf styrkur í sorginni
Íþróttir
Heimir heldur áfram með Írland – samningur til 2028
Fréttir
Vatn loksins farið að renna í laugina
Úr blaði Eyjafrétta
Eyjalistinn tilbúinn – Miðflokkurinn kynnir sinn lista í kvöld
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.