Sumarstúlkukeppnin verður haldin í 24. sinn í Höllinni næstkomandi laugardag. Alls taka fjórtán stúlkur þátt í keppninni en stelpurnar voru kynntar sérstaklega í síðasta tölublaði Frétta. Eins og alltaf er boðið upp á glæsilega dag­skrá og frábæran mat sem Einsi kaldi matreiðir. Evróvisionstjarnan Jóhanna Guð­rún kemur tví­vegis fram ásamt gítarleikaranum Davíð Sigur­geirssyni. Þá mun Jónsi í Svörtum fötum koma fram ásamt vinum sínum en hljómsveitin Í svört­um fötum leikur svo fyrir dansi eftir keppn­ina. Aðalatriðið er hins vegar stelpurnar sem munu koma fjórum sinnum fram, í sérstöku opnunar­atriði, tveimur tískusýningum og svo lokaatriði.