Í dag, föstudaginn 4. nóvember líkur verkefninu Jól í skókassa hér í Eyjum. Hægt er að skila skókössum í Landakirkju til 15:00 í dag en eftir það er fólki bent á að fara með kassana niður á Flytjanda við Friðarhöfn. Eftir það og fram til 12. nóvemver nk. er hægt að fara með kassa á Holtaveg 28 þar sem höfuðstöðvar KFUM og KFUK á Íslandi eru til húsa.

Verkefnið Jól í skókassa felst í því að fá börn jafnt sem fullorðna til að gleðja börn sem lifa við fátækt, sjúkdóma og erfiðleika með því að gefa þeim jólagjafir. Með slíkum gjöfum er þeim sýndur kærleikur Guðs í verki. Gjafirnar eru settar í skókassa og til þess að tryggja að öll börnin fái svipaða jólagjöf er mælst til þess að ákveðnir hlutir séu í hverjum kassa. Hópur ungs fólks innan KFUM & KFUK hefur staðið að verkefninu á Íslandi frá árinu 2004. Á þeim tíma hafa safnast rúmlega 50.000 gjafir sem sendar hafa verið til �?kraínu og drei af KFUM þar í landi á munaðarleysingjaheimili, á barnaspítala og til barna einstæðra mæðra sem búa við sára fátækt. Aðalskipuleggjandi dreifingarinnar í �?kraínu er faðir Evheniy Zhabkovskiy.