Fjölmennt var þegar aðstaðan, Karlar í skúrum var opnuð formlega við  hátíðlega athöfn á Hraunbúðum í dag. Tilgangurinn er að auka lífsgæði karla í gegnum handverk, tómstundir og samveru. Handverk auðveldi körlum að tengjast og spjalla í glæsilegri aðstöðu í kjallara Hraunbúða, búin fullkomnum tækjabúnaði fyrir allt handverk.

Lionsklúbbur Vestmannaeyja hefur farið fyrir verkefninu og er fyrirmyndin m.a. sótt til Hafnarfjarðar og Mosfellsbæjar. Ingimar Georgsson, lionsmaður ávarpaði  gesti og lýsti verkefninu. Þakkaði hann öllum sem komu að verkinu og velvilja bæjarstjórnar sem strax stökk á vagninn og útvegaði húsnæðið.

Íris bæjarstjóri þakkaði Lionsklúbbnum fyrir framtakið og óskaði körlum á öllum aldri með aðstöðuna. Gestir frá Hafnarfirði og Mosfellsbæ mætu og kynntu starfsemina í sínum klúbbum.

Á eftir var boðið upp á veitingar og gafst gestum kostur á skoða aðstöðuna.

Myndir Óskar Pétur.