- Eyjafréttir
- ·
- Fréttir
- ·
Kútmagaveisla á Kaffi Kró fyrir gesti og gangandi
Kútmaga- og fiskiveisla verður í boði á Kaffi Kró fyrir gesti og gangandi í dag, föstudag 21. feb. kl. 17-19. Um áratuga skeið hefur ekki verið boðið upp á almennar kútmagaveislur með fiski, hrognum og lifur en svo var löngum áður fyrr.
Kútmagar, mjölmagar og lifrarmagar og fyllt hrogn eru mikið lostæti og í fiskinum eru nokkrar tegundir flakaðar á miðunum í vikunni.
Kútmagaveislan er liður í því að vekja upp gamlar matarhefðir sem margir sakna, en það er mikil vinna að gera kútmagana klára fyrir eldun.
Árni Johnsen stendur fyrir veislunni, og Einsi kaldi sér um matseldina en hún er m.a. haldin til þess að afla fjár í kostnað við upptökur á tónverkum Árna erlendis. Einhver smærri fyrirtæki ætla að mæta með sinn mannskap í kútmagaveisluna, virkja stemmninguna og taka þetta út sem ekki er daglegt �??brauð�??.
Veislan kostar 2500 kr. á mann.
Árni sagðist ekki síst vilja hvetja Eyjamenn til þess að bjóða eldra fólki í kútmagaveisluna, það myndi lyfta því upp og gera því gott og svo væri reynslan sú, þar sem kútmagaveislur eru viðhafðar, að unga fólkið sýnir þessum mat vaxandi áhuga.
