Laxey á fundi ÁTVR - Hugmynd 2019 og slátrun 2025
Íris sagði eldisstöðina á besta stað sem hægt er að hugsa sér í Vestmannaeyjum. Mannvirkin eru falin nema þegar við siglum inn til Eyja með Herjólfi. Mynd Laxey.

Árlegt goskaffi ÁTVR var á sunnudaginn 26. janúar að lokinni Eyjamessu í Bústaðakirkju þar sem Kristján Björnsson, víglsubiskup og fyrrum Eyjaprestur predikaði. Þemað í goskaffinu var uppbygging og upplifun eftir gosið. Íris Róbertsdóttir, bæjarstjóri sagði þar frá uppbyggingu á nýja hrauninu þar sem landeldisstöð Laxeyjar rís í Viðlagafjöru. Einnig fyrirhuguðu baðlóni og lúxushóteli ofan við Skansinn og athafnasvæði til framtíðar fyrir atvinnurekstur þar sem hraunhitaveitan var.

 

Þau sáu um messuna: Frá vinstri, Hólmfríður Ólafsdóttur djákni sem er eiginkona Guðmundar Elíassonar, Adda Bald og Höllu, Þorvaldur Víðisson fyrrum Eyjaprestur, Kristján Björnsson, vígslubiskup og fyrrum Eyjaprestur og Sigurlaug Kristín Hraundal messuþjónn. Mynd Óskar Pétur.

 

„Þar erum við að byggja upp svæði til framtíðar fyrir atvinnurekstur þar sem gert er ráð fyrir stórum húsum. Málið er, að það er orðið lítið um skipulagðar atvinnulóðir í Vestmannaeyjum því Eyjan okkar er ekki stór en því fallegri eins og þið vitið,“ sagði Íris. Áformin um Laxey komu fyrst inn á hennar borð árið 2019.

Tveir drengir

„Þá komu til mín tveir drengir, Daði Pálsson og Hallgrímur Steinsson, drengir af því að þeir eru aðeins yngri en ég,“ sagði Íris og brosti. „Og þeir sögðu; við erum að hugsa um að vera með laxeldi í Vestmannaeyjum og ég hélt að þeir væru að hugsa um sjókvíareldi sem eins og flestir vita henta ekki við Vestmannaeyjar sökum strauma.“

Eftir nokkra skoðun varð Viðlagafjara fyrir valinu fyrir landeldisstöðina og í framhaldinu var skrifað undir viljayfirlýsingu. Svo aðra viljayfirlýsingu og samning í kjölfarið. „Þetta verkefni er lang, langstærsta framkvæmd í sögu Vestmannaeyja. Í hana fer meiri steinsteypa en í alla uppbyggingu strax eftir gos. Þetta er langstærsta framkvæmdaleyfi sem við höfum gefið út og þetta eru gríðarleg mannvirki. Eru á besta stað sem hægt er að hugsa sér í Vestmannaeyjum. Mannvirkin eru falin nema þegar við siglum inn til Eyja með Herjólfi. Uppbygging er komin mjög langt og stefnt er að fyrstu slátrun í nóvember á þessu ári. Hugmynd 2019 og slátrun 2025.“

 

Um 130 mættu í gosmessu og goskaffi. Mynd Óskar Pétur.

 

Allt staðist

Þarna rís sláturhús og allar afurðir verða fluttar út beint frá Vestmannaeyjum. „Til verða 100 störf við laxeldið auk afleiddra starfa. Þá eru uppi hugmyndir um fóðurverksmiðju og hefur einn stærsti fóðurframleiðandi í heimi sýnt því áhuga að horfa til Eyja, Sretting sem er að leita að stað á Íslandi fyrir fóðurframleiðslu. Allir eru að hugsa um kolefnissporið en vöxtur í landeldi er hvergi í heiminum meiri en á Íslandi.“

Guðrún Erlingsdóttir, fráfarandi formaður ÁTVR en situr áfram í stjón, Rúnar Ingi Guðjónsson núverandi formaður og Íris Róbetsdóttir bæjarstjóri. Mynd Óskar Pétur.

 

Íris sagði allt hafa gengið vel hjá Laxey og allar áætlanir frá 2019 hafa staðist. „Þeir hafa unnið þetta gríðarlega vel, með bæjaryfirvöldum, fólkinu og allar kynningar til fyrirmyndar. Allt skiptir þetta máli til að fá fleiri egg í körfuna okkar í Vestmannaeyjum. Sjávarútvegur og ferðaþjónusta eru mest áberandi atvinnugreinarnar okkar en nú bætist landeldið við. Saga Ós-fjölskyldunnar, Sigurjóns Óskarssonar og hans fólks hefur verið ótrúlega falleg. Eftir áratugi í útgerð selja þeir hana innanbæjar og skip og aflaheimildir haldast í heimabyggð. Nota svo hluta af sölunni til að fjárfesta í nýrri atvinnugrein.“

Íris sagði framkvæmdina alla vera til mikillar fyrirmyndar og kröfur eigenda miklar. „Þeir eru að ganga lengra varðandi umhverfissjónarmið því þeir vita að kröfurnar eiga eftir að aukast um minna kolefnisspor og hafa verið í góðu samstarfi við bæjarfélagið.“

 

ÓS – fjölskyldan. Gylfi, Erna, Sigurjón, Sigurlaug, Þóra Hrönn og Daði.

 

Ath. Greinin fór inn í morgun ólesin, hér er hún leiðrétt.

Nýjustu fréttir

Fréttir
Rafmagnslaust: Stór truflun í kerfinu – uppfært
Fréttir
Annríki hjá Björgunarfélagi Vestmannaeyja í fárviðri
Úr blaði Eyjafrétta
Hjalti læknir og Vera Björk Eyjafólk ársins 2025
Fréttir
Stormur á Stórhöfða
Aðsend grein
Sterkt samfélag byggir á trausti og samvinnu
Aðsend grein
Mikilvægasta skipið
Fréttir
Tilnefnt í faghóp vegna nýs leikskóla í Löngulág
Samgöngur
Ábending frá Herjólfi
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.