Í dag klukkan 16.00 frumsýnir Leikfélag Vestmannaeyja leikritið um Pétur Pan í leikstjórn Laufeyjar Bráar Jónsdóttur. Með helstu hlutverk fara þau Ævar Örn Kristinsson, sem leikur Pétur Pan, Sigurhans Guðmundsson, sem leikur Kaftein Krók og Silja Elsabet Brynjarsdóttir, sem leikur Vöndu. Leikarahópurinn er fjölmennur en 25 leikarar taka þátt í uppsetningunni og um 15 manns vinna að tjaldarbaki. Söguna samdi Skotinn J.M. Barrie um 1900 en sagan hefur staðið tímans tönn og gott betur en það. Karl Ágúst Úlfsson þýddi handritið og tónlistina samdi Kjartan Ólafsson.