Siglingastofnun segir ekkert því til fyrirstöðu að nota farþegaklefa um borð í Herjólfi á siglingaleiðinni milli Vestmannaeyja og Þorlákshafnar. Tilskilið leyfi verði gefið út í dag. Samkvæmt öryggisskírteini um lágmarksmönnun um borð í Herjólfi þarf tólf manna áhöfn til að sigla með 400 farþega til Landeyjahafnar. Gamla skírteinið til Þorlákshafnar kveður á um 14 manna áhöfn með sama farþegafjölda þangað, og var þá gert ráð fyrir því að farþegaklefar væru í notkun.