Magnús Már Einarsson, ritstjóri Fótbolta.net skrifar skemmtilegan pistil á vefnum um för sína á Old Trafford, hvar Juan Mata var kynntur sem nýr leikmaður Manchester United á blaðamannafundi með knattspyrnustjóranum David Moyes. Magnús var að skrifa um nýja leikmanninn fyrir vef sinn en langaði greinilega að heyra aðeins í enska knattspyrnustjóranum, sem lék um tíma með Knattspyrnufélaginu Tý í Vestmannaeyjum. Ekki gafst færi á því á sjálfum blaðamannafundinum en fyrir tilviljun hitti Magnús á hann stuttu síðar.

�??Moyes sýndi þó allt annað viðmót þegar undirritaður rakst á hann nokkrum mínútum síðar. Eftir fundinn var fréttamönnum sagt að yfirgefa fundarherbergið strax og flestir héldu á brott. �?g var að klára að skrifa síðustu fréttirnar inn á Fótbolta.net svo ég tyllti mér með nokkrum spænskum blaðamönnum í afgreiðsluna á æfingasvæðinu. Moyes labbaði þar um og ræddi við konurnar í afreiðslunni áður en hann hvarf á braut. �?g hafði nú ekki kjark í að ráðast á hann þá en þegar hann kom aftur fram með fjölmiðlafulltrúanum og rölti framhjá skaut ég á hann: ,,David, have you ever been to Westman Islands in Iceland?�??

�?á lifnaði heldur betur yfir kappanum en hann dvaldi í nokkra mánuði í Vestmannaeyjum á sínum yngri árum. Hann gaf sér tíma til að ræða dvölina í Vestmannaeyjum, sagðist hafa verið 18 eða 19 ára á þeim tíma og að hann hafi notið dvalarinnar en þar hefði hann hjálpað til við þjálfun yngri flokkanna.

Knattspyrnustjórinn virkaði afar geðþekkur, talaði um lífið í Eyjum, að faðir hans væri Íslandsvinur og spurði mig meðal annars hvar ég ætti heima á landinu. �?g svaraði því og spurði svo hvort það væri hægt að fá stutt ummæli frá honum um Íslandsdvölina. �?á dró aðeins úr kallinum, hann sagðist ekki eiga tíma í slíkt núna en lofaði að gefa mér viðtal síðar. �?g tippa á að það verði aldrei. Moyes kvaddi hins vegar vingjarnlega áður en hann hélt för sinni áfram. Geðþekkur og kurteis maður.�??