Hjónin Anna Svala Johnsen, fyrrverandi matráðskona í Grunn­­skóla Vestmannaeyja og tréskurðarlistamaður, og Guðjón Jónsson, rafvirkja­meistari, fengu hæsta styrkinn af 23, 350 þúsund krónur, sem Atvinnuþróunar­félag Suður­lands úthlutaði á miðvikudaginn var, 2. júlí, til nýsköpunar­verkefna. Styrkurinn er ætlaður til hönnunar á húsnæði, gerðar heimasíðu og kynningarefnis fyrir listasmiðju, sem þau hjón vinna við að koma á laggirnar í miðbæ Vestmanna­eyja.