Forsala á Þjóðhátíðarmiðum fyrir félagsmenn ÍBV stendur nú yfir og lýkur henni á miðnætti á morgun, föstudaginn 3. júlí. Félagsmenn eru hvattir til að tryggja sér miða á dalurinn.is.

Eldri borgarar á aldrinum 67–70 ára geta keypt Þjóðhátíðarmiða á sérkjörum fyrir 15.990 krónur. Eldri borgarar sem jafnframt eru félagsmenn ÍBV geta einnig nýtt sér félagsmannaafsláttinn og keypt allt að þrjá miða til viðbótar á sömu kjörum og aðrir félagsmenn, auk miðans sem þeir kaupa á sérkjörum eldri borgara.

Þeir sem þurfa aðstoð við miðakaup geta haft samband við framkvæmdastjóra ÍBV, Ellert Scheving, með tölvupósti á ellert@ibv.is eða í síma 867-0262. Einnig er hægt að koma við í Týsheimilinu, þar sem tekið er á móti þeim sem óska eftir aðstoð.

Miðasala er eins og áður segir á dalurinn.is.