Slökkvilið Vestmannaeyja var kallað út klukkan 4:13 í nótt þar sem kviknað hafði í einbýlishúsi að Sóleyjargötu 12. Samkvæmt upplýsingum sem fengust hjá lögreglunni í Vestmannaeyjum kviknaði í út frá kerti sem staðið hafði á arinhillu. Út frá kertinu kviknaði í veggskrauti sem féll svo á gólfið sem aftur kveikti í parketi sem á gólfinu var. Undir parketinu var hitalögn úr plasti sem fór í sundur og urðu miklar vatnsskemmdir í kjölfarið.