Eins og Eyjamenn vita var veðrið í gær með ólíkindum en mestu hviður fóru upp í 53 metra á sekúndu á Stórhöfða en mestur meðalvindur var 43 metrar á sekúndu. Á meðfylgjandi myndbandi má sjá hvar þak á timburhúsi á Brimhólabraut rifnaði upp að hluta, sendiferðarbíll valt og járnplötur losnuðu, jafnvel á nýlegum húsum. Þá fuku þungir staurar til og frá inn í Herjólfsdal en staurarnir lágu á jörðinni og hefðu ekki átt að taka mikinn vind á sig.