Minningargrein: Stefán Sigurjónsson
Stefán Sigurjónsson skósmiður, skólastjóri og stjórnandi Lúðrasveitar Vestmannaeyja lést þann 1. október sl.
Stebbi skó flutti til Vestmannaeyja fljótlega eftir gos og óðara gekk hann í Lúðrasveit Vestmannaeyja. Hann var lipur hljóðfæraleikari, léttur húmoristi og snöggur til svars en þessir eiginleikar eru einmitt mjög góðir í lúðrasveit. Fljótlega valdist Stebbi til trúnaðarstarfa innan sveitarinnar og leysti hann af sem stjórnandi árið 1976-1977. Stebbi var hvers manns hugljúfi og bar hann ávallt hag sveitarinnar fyrir brjósti. Árið 1988 tók hann við stjórn sveitarinnar og í mörg ár var Stebbi holdgerfingur Lúðrasveitar Vestmannaeyja út á við. Hann var óþreytandi við að halda félagsskapnum saman þegar á móti blés, og er óhætt að fullyrða að Lúðrasveit Vestmannaeyja hefði ekki verið starfandi allan þennan tíma ef ekki hefði verið fyrir Stebba og fjölskyldu.
Árið 2007 lét Stebbi af stjórn Lúðrasveitarinnar að eigin ósk en þá var sjúkdómurinn farinn að trufla verkefnin sem starfinu fylgdu. Stebbi hélt samt áfram að spila og starfa með sveitinni og vera þessi góði félagi sem hann var öll þessi ár. Stebbi var sæmdur gullmerki Lúðrasveitar Vestmannaeyja árið 2004 fyrir óeigingjarnt starf í þágu Lúðrasveitar Vestmannaeyja og lúðrasveitarstarfs á Íslandi en í fjölda ára var Stebbi í stjórn Sambands íslenskra Lúðrasveita auk annarra trúnaðarstarfa í tónlistalífi Vestmannaeyja.
Lúðrasveit Vestmannaeyja sendir Jóhönnu, börnum og öðrum aðstandendum innilegar samúðarkveðjur og þakkar kærlega fyrir samskiptin, spileríið og vinskapinn öll þessi ár.
Lúðrasveit Vestmannaeyja hefur ákveðið að hausttónleikar sveitarinnar í nóvember nk. verði tileinkaðir minningu Stefáns Sigurjónssonar og Ellerts Karlssonar sem einnig er fyrrverandi stjórnandi sveitarinnar en hann lést fyrr á árinu.
Fh. félaga í Lúðrasveit Vestmannaeyja
Ólafur Þ Snorrason formaður

Nýjustu fréttir

Úr blaði Eyjafrétta
Sjómennskan í blóðinu nýtist í tónlistinni
Áhugavert
Grípa þarf hjálpina þegar hún býðst
Áhugavert
Næsta skref hjá Eyjagöngum: Borinn kominn á Landeyjasand
Stjórnmál
Skipað í ráð og nefndir Vestmannaeyjabæjar
Áhugavert
„Fjörutíu árum síðar – með þakklæti til FÍV“
Áhugavert
Þrír reynslumiklir sjómenn heiðraðir á Sjómannadaginn
Íþróttir
Kristín Klara spilaði í Sundsvall með u-19 ára landsliðinu
Íþróttir
Æskudraumur Díönu Daggar rættist
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.