Um helgina er útlit fyrir fremur rólegt veður. Það sem eftir lifir dags verður norðvestlæg átt, víða gola en strekkingur syðst. Snjókoma norðantil á landinu, en dregur smám saman úr ofankomu sunnanlands. Víða vægt frost, segir í hugleiðingum veðurfræðings á Veðurstofu Íslands síðdegis í dag. Ennfremur segir í hugleiðingunum að á morgun dragi úr vindi og léttir til sunnan heiða. Áfram dálítil snjókoma eða él fyrir norðan, en úrkomuminna um kvöldið. Herðir á frostinu.

Halldór B. Halldórsson fór um eyjuna með myndavélina í dag og sýnir okkur hana snjóhvíta.