Til stendur að flytja Mylluna úr Dalnum á allra næstu dögum, jafnvel strax í dag. Þetta segir í tilkynningu frá Myllumönnum. 

Þar segir jafnframt að þar sem flutningur Myllunnar úr Dalnum valdi almennt kvíða og þunglyndi meðal Eyjamanna var tekin sú ákvörðun að flytja hana ekki fyrr en að lokinni þjóðaratkvæðagreiðslu. Talið var að Eyjamenn hefðu nóg annað að hugsa um, þótt áhyggjur af Myllunni bættust ekki við.

En nú er sem sagt komið að flutningnum og verður fjölmiðlum gert viðvart um nákvæma tímasetningu. Myllan verður síðan áfram til sýnis í portinu við enda Skvísusunds í allan vetur.