„Bæjarstjórn sem slík hefur ekki fjallað sérstaklega um stöðuna hjá Fasteign. Á sínum tíma var bæjar­stjórn klofin í afstöðu sinni til inngöngu Vestmannaeyjabæjar í félagið. Við sjálfstæðismenn vorum mjög andvígir samningum við Fast­eign hf. og töldum þá slæman kost, en V- listi og B-listi töldu inngöngu hins vegar góðan kost. Þar sem V og B mynduðu meirihluta á þeim tíma varð það úr að Vestmanna­eyja­bær seldi 9 fasteignir inn í félagið og gerði um þær leigusamning til 30 ára,“ sagði Elliði Vignisson, bæjar­stjóri, þegar hann var spurður um afstöðu bæjarstjórnar til Fasteignar sem er í mjög erfiðri stöðu.