Nýi Glitnir og útgerðin Ós ehf. hafa komist að samkomulagi um fjármögnun 39 metra togveiðiskips, Þórunni Sveinsdóttur VE. Skrifað var undir samning þess efnis 2007 en vegna breytinga í fjármálaumhverfi á Íslandi var samningurinn í uppnámi. Þetta kemur fram í fréttatilkynningu frá Nýja Glitni en þar segir Birna Einarsdóttir, bankastjóri Nýja Glitnis að þetta sé mikilvægt fyrir bankann að finna að hann njóti trausts til að fjármagna svo stórt verk sem snýr að grunnatvinnuvegi landsins. Fréttatilkynningu frá Glitni má lesa hér að neðan.