Merkt framtak í þágu ferðaþjónustu og menningar
Kristín Jóhannsdóttir safnstjóri Eldheima hlaut Fréttapýramídann fyrir framlag til menningar- og ferðamála í Vestmannaeyjum.

Kristín Jóhannsdóttir safnstjóri Eldheima hlýtur Fréttapýramídann fyrir framlag til menningar- og ferðamála í Vestmannaeyjum. Kristín er fædd í Reykjavík en uppalin í Vestmannaeyjum. Hélt til Þýskalandi eftir stúdentspróf til máms í sagnfræði, bókmenntum og norrænum fræðum sem lauk með Magisterprófi frá háskóla í Berlín 1991. Auk þess fararstjóranám og sótti námskeið í almannatengslum og markaðsfræðum á vegum Icelandair og í Þýskalandi.

Kristín lærði að taka til hendinni í Ísfélaginu þar sem hún vann á sumrin með skóla. Líka í farþegaafgreiðslu Flugleiða í Vestmannaeyjum og Osló. Fréttaritari RÚV í Berlín 1991 til 2000 og upplýsinga- og markaðsstjóri Icelandair í Frankfurt árin 2000 til 2004.

Kristín hefur verið fararstjóri í ferðum vítt og breitt í Evrópu. Haft umsjón með sýningarbás Ferðamálstofu í Berlín. Skrifað og þýtt greinar fyrir ýmis þýsk og íslensk fyrirtæki. Komið að sjónvarps- og kvikmyndagerðarverkefnum í Þýskalandi sem tengjast Íslandi og Vestmannaeyjum. Aðkoma Kristínar að markaðsverkefnum er mjög fjölbreytt. M.a. sýningarskála Íslands á heimssýningunni í Hannover 2000. Var með í markaðsátaki Icelandair í Þýskalandi, Frakklandi og Hollandi. Kom að kynningu og skipulagsvinnu Iceland Airwaves tónlistarhátíðinni árin 2001, 2002 og 2003. Skipulagði líka fjölda blaðamannaferða til Íslands og Bandaríkanna.

 

Veiting Fálkaorðunar
Kristín Jóhannsdóttir var á meðal þeirra fjórtán sem sæmd voru heiðursmerki hinnar íslensku fálkaorðu á nýársdag.  Kristín sem hér er með Höllu Tómasdóttur, forseta Íslands á Bessastöðum fékk orðuna fyrir frumkvöðlastarf í þágu menningar- og ferðamála í heimsbyggð. Mynd Forsetaembættið.

 

Ráðin til starfa í Vestmannaeyjum

Kristín var ráðin ferða- menningar- og markaðsfulltrúi Vestmannaeyjabæjar í maí 2004. Þar nýttist tengslanet hennar í ferðamennsku og í fjölmiðlum víða um Evrópu til að kynna Vestmannaeyjar. Gekk vasklega fram í að kynna Vestmannaeyjar sem  Pompei Norðursins sem varð kveikjan að byggingu Eldheima. Skipulagði kynningu á Vestmannaeyjum á ferðakaupstefnum og var í stjórn útgáfu á upplýsingabæklingum um Vestmannaeyjar.

Kristín á hugmyndina að Nótt safnanna í Vestmannaeyjum sem er helsti menningarviðburður haustsins í Eyjum. Varð fljótt Safnahelgi og boðskapurinn hefur dreifst um allt Suðurlandi og til Reykjavíkur. Kristín hefur líka unnið við dagskrárgerð og skipulagningu á Goslokahátíð í Vestmannaeyjum  og fjölda einstakra viðburða s.s. tónleika og listasýninga í Vestmannaeyjum.

Fjölbreytt starfsemi

Kristín var ráðin safnstjóri Eldheima þegar safnið var opnað í maí 2014 og laðar að þúsundir ferðamanna á hverju ári. Líka hefur Kristín staðið fyrir listviðburðum oft tengdum tónlist þar sem Eyjalögin skipa sérstakan sess. Auk þess hefur hún fengið erlenda listamenn, síðast söngkonuna Tidy Rodrigues frá Grænhöfðaeyjum sem hélt eftirminnilega tónleika í Eldheimum í haust. Fleiri viðburðir eru í undirbúningi og í tónlistinni nýtur hún krafta tónlistarmannsins og sambýlismannsins Magnúsar R. Einarsson sem hleypt hefur lífi í tónlistina í  Vestmannaeyjum.

 

Nýjustu fréttir

Íþróttir
Eyjamenn sóttu þrjú mikilvæg stig norður
Áhugavert
„Við erum ótrúlega stolt af ykkur“
Myndband
Mikill ferðamannastraumur um helgina – myndband
Úr blaði Eyjafrétta
Heimir og Særún heilluðust af Vestmannaeyjum
Íþróttir
Glæsilegu TM móti lokið – Þróttur R. varð TM móts meistari
Íþróttir
ÍBV getur farið upp fyrir Þór
Áhugavert
Sýndu fjölbreytni, metnað og sköpunargleði
Íþróttir
ÍBV stelpurnar gerðu jafntefli við Þrótt R.
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.