„Því miður falla niður allar siglingar í dag vegna veðurs og sjólags. Þar með taldar ferðir frá Vestmannaeyjum kl. 07:00 og 16:00 og frá Þorlákshöfn kl. 10:45 og 19:45. Þeir farþegar sem áttu bókað koma til með að fá símtal frá fulltrúum okkar til þess að færa bókun sína,” segir í tilkynningu frá Herjólfi ohf.

Ennfremur segir að ákvörðun sem þessi sé alltaf tekin með hagsmuni farþega og áhafnar í huga, vonum við að því sé sýndur skilningur. Varðandi siglingar á morgun, fimmtudaginn 6. febrúar, verður gefin út tilkynning í síðasta lagi fyrir kl. 06:00 í fyrramálið. Við viljum jafnframt vekja athygli farþega á að samkvæmt veður- og sjólags­spá eru aðstæður til siglinga á fimmtudag ekki hagstæðar.