Ómögulegt að fæðast í Vestmannaeyjum?

Eyjafréttir
·
Fréttir
·
22. febrúar 2024

Það þykir orðið tíðindum sæta ef börn fæðast í Vestmannaeyjum. Hægur leikur hefur verið að telja fjölda þeirra á fingrum annarrar handar sem fæðast hér á ári hverju. Það ræður mestu sú aðstaða og öryggi sem verðandi mæðrum er boðið upp á í Vestmannaeyjum.

Hluti þeirra foreldra sem hafa verið svo lánsöm að getað átt í heimabyggð hafa þó lent í því að fæðingarstaður barns er skráður í Árborg hjá Þjóðskrá. Þykir mörgum þetta súrt í broti og hafa því haft samband við Þjóðskrá til að leiðrétta þessa villu. Þjóðskrá vísar jafn harðan á Heilbrigðisstofnun Suðurlands að skráningin sé þaðan komin. Dæmi er þess að foreldrar í Vestmannaeyjum hafi staðið í bréfaskriftum við HSU í á annað ár um að fá þetta leiðrétt en allt kemur fyrir ekki.

Björk Steindórsdóttir, yfirljósmóðir hjá HSU sagðist í samtali við Eyjafréttir kannast við þetta vandamál. “Ég hafði fengið fréttir af þessu og við höfum í einhverjum tilvikum þar sem beinar fyrirspurnir bárust farið í að skoða fæðingatilkynningar og séð að það var rétt skráning þar og ef ekki var rétt þá leiðrétt.”

Hún segir málið ekki eins einfalt og ætla mætti. “Þetta er töluvert flóknara mál en það sýnist og er það þannig að Embætti landlæknis og fæðingaskráning er að skoða þessi mál og gera breytingar. Þó rétti fæðingarstaðurinn standi á fæðingatilkynningunum sem við gerum, þá virðist það fara inn í þjóðskrá og Fæðingaskráninguna, að fæðingarstaður sé Heilbrigðisstofnun Suðurlands. Heilbrigðisstofnun Suðurlands virðist svo skilgreinast sem einn fæðingarstaður sem er auðvitað kolrangt. Það hafa t.d. líka verið fæðingar á Höfn í Hornafirði og sama vandamál kom upp þar í Fæðingaskránni. Það er líka að nefna að þetta vandamál birtist einnig á HSA og HSN sem hafa fleiri en eina starfsstöð. Nú er verið að vinna í að laga þessa villu og skilgreina fleiri fæðingarstaði á Heilbrigðisstofnun Suðurlands og einnig á öðrum heilbrigðisstofnunum. Það eru miklar uppfærslur á kerfum og bæting rafræna skráningarkerfinu. Mig grunar að þar liggi einhver skýring og það þurfi að huga sérstaklega að þessari villu í kerfinu. Forritarar og þróunaraðilar mæðra- og fæðingaskrár eru meðvituð núna um þetta vandamál og eru að vinna með það.”

Fyrir þá sem vilja kanna skráningu barna sinna í Þjóðskrá geta gert það hér. Þeir sem telja sig þurfa að fá hana leiðrétta eru hvattir til að hafa samband við HSU.

Nýjustu fréttir

Íþróttir

Valur kemur til Eyja eftir viðburðaríka viku

Goslok

Goslok: dagskrá laugardags

Úr blaði Eyjafrétta

Hvað vita börnin um eldgosið á Heimaey: Kristian Örn

Myndband

Blíðskaparveður og líf um allan bæ á Goslokahátíð

Fréttir

Vinnslustöðin, Huginn og VÍS sýknuð í vatnslagnarmálinu – uppfært

Áhugavert

Fjölbreytt dagskrá fyrir alla fjölskylduna

Stjórnmál

Eyjalistinn gagnrýnir að hafa ekki verið boðaður til fundar með forsætisráðherra

Fréttatilkynning

Vinnupása skilaði vinning

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki