Björgunarfélag Vestmannaeyja mun prófa flugeldana í kvöld, um níuleytið. Um er að ræða litla flugeldasýningu sem haldin er ár hvert við skátaheimilið en sýningin vekur gjarnan mikla athygli, enda ekki allir sem búast við flugeldasýningu á þessum tíma. Adolf �?órsson, formaður Björgunarfélagsins segir flugeldasöluna hafa gengið vel. �??Veðurspáin fyrir gamlárskvöldið var eitthvað að hrekkja okkur en spáin hefur batnað og salan hefur tekið við sér eftir það. Hér er allt á fullu og allir í góðum gír, tilbúnir að skjóta upp flugeldum og kveðja þannig gamla árið og heilsa því nýja. �?að er músík í okkar eyrum,” sagði Adolf að endingu.

Flugeldasalan er opin í kvöld til klukkan 21:00. Á morgun, sunnudag og á mánudag er svo opið 10 til 21 og á Gamlársdag er opið frá 9 til 16.