Á fundi sínum á þriðjudaginn þakkaði bæjarráð skjót við­­brögð heilbrigðisráðuneytisins við erindi Vestmannaeyjabæjar um mikilvægi þess að sjúkravél sé öllum stundum staðsett í Vestmannaeyjum. Erindið var sent ráðuneytinu þegar lofthæfisskírteini flugvéla Flugfélags Vestmannaeyja, sem annast sjúkraflug fyrir Vest­mannaeyjar, runnu út. Þar með talin flugvélin sem FV notaði til sjúkraflugs. FV brást við og hefur leigt vél og þannig uppfyllt skilyrði samn­ings um sjúkraflug. Nú eru líkur á að ein af flugvélum félagsins fái lofthæfisskírteini um helgina.