Safnahússdagur í dag
12. desember, 2013
Í dag er Safnahússdagur. Af því tilefni verður boðið upp á skemmtilega dagskrá í Safnahúsinu við Ráðhúströð og hefst dagskráin klukkan 12:00 með sögu og jólagraut í Sagnheimum. Dagskrá dagsins má sjá hér að neðan.
Kl. 12:00 – 13:00 Saga og jólagrautur í Sagnheimum. Matarkistan Vestmannaeyjar, ofgnótt eða skortur? Hefur matarhefð Eyjamanna sérstöðu og ef svo er, í hverju er hún fólgin og hvernig nýtum við okkur það? Guðrún Hallgrímsdóttir matvælaverkfræðingur hjá Reykjavíkur Akademíjunni varpar ljósi á söguna og fjallar um breytingar sem fylgja nýjum lífsstíl. Dagskráin er styrkt af Menningarráði Suðurlands og Safnaráði.
Kl. 13:00 – 16:00 Síðasti ljósmyndadagur ársins í Ingólfsstofu. Smákökur með kaffinu í tilefni dagsins.
Kl. 17:00 Opnun listaverkasýningar Sigurfins Sigurfinnssonar í Einarsstofu. Auk olíumynda eru á sýningunni sýnishorn af öðrum verkum listamannsins. Sýningin verður opin á opnunartíma Safnahúss til áramóta og á sunnudögum kl. 13 – 16
Allir hjartanlega velkomnir!
Mest lesið
viðburðir
Fylgstu með

Skráðu þig á fáðu nýjustu tilkynningar fyrst