Eyjamenn riðu ekki feitum hesti frá viðureign sinni gegn nýliðum Selfoss í dag þegar liðin áttust við á glæsilegum Selfossvelli. Selfyssingar voru allt í öllu í fyrri hálfleik og voru verðskulda 2:0 yfir í hálfleik. Í raun hefðu Selfyssingar getað skorað fleiri mörk því þeir áttu m.a. hörkuskot í slá og skot naumlega framhjá. Síðari hálfleikur var ögn skárri hjá ÍBV, sem náði að minnka muninn undir lok leiksins en lengra komust leikmenn ÍBV ekki og lokatölur 2:1 fyrir Selfoss.