Opið er fyrir skráningu í Vestmannaeyjahlaupið sem haldið verður laugardaginn 7. september. Boðið verður upp á tvær vegalengdir, annars vegar 5 km og hins vegar 10 km.

Rásmark verður við Íþróttamiðstöðina og hefjast bæði hlaupin klukkan 13:00. Keppnisgögn verða afhent upp í Íþróttamiðstöð milli klukkan 17:00-19:00 kvöldið áður og hefst sameiginleg upphitun 25 mínútum fyrir hlaup.

Allur ágóði til góðgerðarmála
Eitt þátttökugjald 4.000 kr er í hlaupið, óháð vegalengd. Hlauparar fæddir 2007 og síðar (15 ára og yngri) fá frítt í hlaupið. Allur ágóði af hlaupinu rennur til góðgerðarmála.

Veitt eru verðlaun fyrir fyrstu þrjá í karla og kvennaflokki í hvorri vegalengd. Einnig verða veitt aldursflokkaverðlaun. Íþróttahúsið verður opið fyrir og eftir hlaup og hægt er að fara í sund þar og er það innifalið í gjaldinu.

Mótshaldarar hvetja þá sem koma ofan af landi til að bóka ferðina í Herjólf tímanlega. Allar upplýsingar um mótið eru inn á vefsíðu hlaupsins vestmannaeyjahlaup.is og einnig er hægt að fylgjast með á Facebook. Upplýsingar veitir Sigmar Þröstur Óskarsson í síma 895-3339 eða Magnús 897-1110.