Útboð í smíði nýrrar Vestmannaeyjaferju verður opnað í ágúst. Gerð Landeyjahafnar á að vera lokið 1. júlí 2010. Þrátt fyrir að knappur tími sé til stefnu telur Kristján Möller samgönguráðherra að smíði ferjunnar verði helsti óvissuþáttur bættra samgangna milli lands og Eyja. Ekki þurfi að kvíða því að hafnar- og vegagerð á svæðinu tefjist en meiri óvissa sé um hvort að takist að ljúka smíði ferjunnar á réttum tíma þó að auðvitað standi vonir til þess.