Herjólfur ohf. vill góðfúslega benda farþegum sem ætla að ferðast annað kvöld og á fimmtudag á að spáð er hækkandi ölduhæð við Landeyjahöfn.

Í tilkynningu frá Herjólfi ohf. kemur fram að eingöngu sé um spá að ræða og því séu allar ferðir á áætlun. Ef gera þurfi breytingar verði þær tilkynntar um leið og ákvörðun liggur fyrir.

Farþegar eru hvattir til að fylgjast vel með miðlum Herjólfs og ferðast frekar fyrr en seinna, hafi þeir tök á því.