Spurningar vakna um öryggishlutverk Ríkisútvarpsins
Útvarp er eitt af því sem æskilegt er að hafa í Viðlagakassanum sem mælt er með að hafa á heimilum.

Í gær varð rafmagnslaust í á aðra klukkustund í Vestmannaeyjum, í Vík og í Landeyjum. Það sem einnig datt út í rafmagnsleysinu voru FM-útsendingar RÚV. Hvorki náðist Rás 1 né Rás 2. Hins vegar voru hljóðvarpsstöðvar Sýnar í lagi á meðan rafmagnslaust var. Bæði Bylgjan og FM voru í loftinu sem og útvarpsstöðin Lindin.

Á að tryggja nauðsynlega öryggisþjónustu

Atvikið vekur spurningar um skyldur Ríkisútvarpsins samkvæmt almannavarnaáætlun landsins.

Í lögum um Ríkisútvarpið segir að það skuli, í samvinnu við stjórnvöld, tryggja nauðsynlega öryggisþjónustu með upplýsingamiðlun um útvarp og, þegar við á, eftir öðrum boðleiðum. Í því skyni skal Ríkisútvarpið hafa öryggisstefnu sem tryggi órofinn rekstur hljóðvarpsþjónustu um land allt og á næstu miðum.

Úr öryggisstefnu RÚV

Ríkisútvarpið er mikilvægur hlekkur í öryggiskerfi landsins og á að tryggja landsmönnum áreiðanlegar upplýsingar þegar alvarlegir atburðir eða hamfarir verða. Öryggisstefna RÚV skiptist í tvö meginatriði: ytra öryggi og innra öryggi.

Ytra öryggi felur í sér að RÚV viðheldur eigin dreifikerfum, þar á meðal langbylgjusendum sem ná til alls landsins, og prófar reglulega virkni búnaðar til að tryggja órofnar útsendingar. Fréttastofan hefur áætlanir um viðbrögð við vá og starfar í samráði við Almannavarnir.

Innra öryggi snýr að varaafli, neyðarbúnaði og öruggri hönnun kerfa í höfuðstöðvum RÚV við Efstaleiti. Öryggisnefnd Ríkisútvarpsins ber ábyrgð á því að stefnunni sé fylgt, segir m.a. í stefnunni.

Mikilvægt að landsmenn geti treyst á kerfið

Hægt er að þakka fyrir að þessu sinni að hvorki varð net eða símasambandslaust. En komi það upp er aldrei mikilvægara að hafa útvarpsútsendingar í lagi, svo koma megi upplýsingum til íbúa á þeim stöðum sem verða fyrir því að missa samband.

Það er mikilvægt að landsmenn geti treyst því að Ríkisútvarpið sinni öryggishlutverki sínu um land allt og á næstu miðum – eins og segir í lögunum – alltaf.

Nýjustu fréttir

Feðgar mætast í þýsku B-deildinni í kvöld
Segja skattóvissu draga úr hringsiglingum
Dýpkunarskipið Sebastiano Caboto í Vestmannaeyjahöfn
ÍBV steinlá gegn Fram í Eyjum
Frá briminu upp yfir bæinn – myndband
Eyjamenn vilja komast aftur á sigurbraut gegn Fram
Fjárlög 2027 með augum Sunnlendinga
Ráðherra þurfi að skýra hvernig lögreglan verði efld
Eyjafréttir
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.