Stefna og áherslur fyrir okkur öll
Helga Tryggvadóttir

Nú þegar stutt er til kosninga eru mörg óákveðin og eiga erfitt með að gera upp hug sinn. Með þessum línum vonast ég til þess að geta auðveldað þér kjósandi góður að velja til vinstri með því að fara örstutt yfir kosningaáherslur VG.

Samheldið samfélag og öflug almannaþjónusta. Það felur meðal annars í sér að almannaþjónusta er fyrir okkur öll og verður ekki einkavædd frekar en innviðir. Greiðslur fæðingarorlofs og barnabóta hækka til fjölskyldna með lágar tekjur og skólaganga verður gjaldfrjáls. Efnahagsstefna á að draga úr ójöfnuði og því verður fjármagnstekjuskattur þrepaskiptur auk þess sem stærri hluti ágóða af nýtingu sameiginlegra auðlinda fer í sameiginlega sjóði.

Kvenfrelsi. Það eru blikur á lofti og bakslag í mannréttindum. Því er brýnt að uppræta kynjamisrétti og tryggja frelsi frá ofbeldi. Einnig  þarf að leiðrétta kerfisbundið vanmat á kvennastörfum. Það verður að berjast gegn aukinni kvenfyrirlitningu og fordómum í samfélaginu með öllum tiltækum ráðum.

Náttúran. VG sker sig úr hvað varðar bæði gjörðir og stefnu í umhverfismálum. Við stöndum vörð um víðerni Íslands og náttúru. Tökum sanngjarnt auðlindagjald fyrir þjóðina og höldum orkuauðlindum og orkuinnviðum í almannaeign. Við losum minna og bindum meira með skjótum og fjármögnuðum aðgerðum.

Friður. Beitum okkur fyrir friðsamlegum lausnum, mannréttindum og lýðræði. Við stöndum með frjálsri Palestínu og viljum vopnahlé strax. Hætta þarf ómannúðlegri og harkalegri stefnu gegn fólki á flótta. Hér stuðlar félagslegt réttlæti að friðsömu og mennsku samfélagi.

Stefið í áherslum VG er mennskan, sameignin og sanngirnin. Réttlætið þar sem bæði fólk og náttúra eru í forgrunni sem er andstæða ofríki auðvalds. Við eigum öll ekki bara tilverurétt, heldur rétt á að lifa góðu lífi.

Þess vegna kýs konu til þingstarfa sem hefur mannúð að leiðarljósi, Hólmfríði oddvita VG í Suðurkjördæmi.

 

Helga Tryggvadóttir

Höfundur skipar 4. sæti á lista VG í Suðurkjördæmi.

Nýjustu fréttir

Íþróttir
ÍBV tapaði gegn Val í lokaleik Olís deildarinnar
Áhugavert
Enginn kemst áfram í lífinu á ljóðum einum saman
Úr blaði Eyjafrétta
Hugmyndin að húsinu fæddist eftir samtal við vini
Myndband
Vorlykt í lofti
Fréttatilkynning
Framboðslisti Sjálfstæðisflokksins lagður fyrir fulltrúaráðið
Áhugavert
Jói Listó – Ótrúlegur ferill mikils listamanns
Íþróttir
Toppliðin takast á í lokaleik Olísdeildarinnar
Fréttir
Gular viðvaranir allvíða – Suðaustanhríð á Suðurlandi
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.