Tryggvi Hjaltason er lærður í alþjóð­leg­­um öryggismála- og greiningarfræðum Hann stundar nú meistaranám í fjármálum og ætlaði upphaf­lega ekki að koma nálægt framboði til stjórnlaga­þings. „Ég tel persónulega að nú sé alls ekki rétti tíminn til slíkra fram­kvæmda, hvorki peningalega séð né stjórnsýslulega séð og að við þurfum að einbeita okkur að brýnni verkefnum. Eftir því sem á leið fékk ég áskor­anir um að gefa kost á mér og eftir að hafa fylgst með umræðunum hef ég haft áhyggjur af því að góðri stjórnarskrá yrði ef til vill breytt í slæma. Ég ákvað þess vegna á síðustu stundu að bjóða mig fram og er ég einn þeirra sem skilaði inn framboðsgögnum á síðasta degi.“