Tap og sigur hjá stelpunum
Eyjakonur þurftu að sætta sig við 3:1 tap gegn sterku liði �?ór/KA í Pepsi-deild kvenna sl. fimmtudag. Fyrir leik voru Akureyringar á toppi Pepsi-deildarinnar en ÍBV í fjórða sæti með tíu stig.
Akureyringar komust yfir eftir 17 mínútna leik en Sigríður Lára Garðarsdóttir jafnaði metin úr vítaspyrnu tuttugu mínútum síðar og voru liðin jöfn þegar flautað var til hálfleiks. �?að var ekki fyrr en á 81. mínútu sem að �?ór/KA komst aftur yfir en þá skoraði Sandra Mayor mark heimamanna. Nokkrum mínútum síðar bætti nafna hennar Sandra María Jessen við þriðja markinu fyrir �?ór/KA og jafnframt því síðasta í leiknum.
Sanngjarn sigur á Breiðabliki
ÍBV og Breiðablik mættust í sjöundu umferð Pepsi-deildar kvenna á Hásteinsvelli á mánudag þar sem Eyjakonur fóru með sigur að hólmi, lokastaða 2:0.
Á 10. mínútu leiksins kom Katie Kraeutner ÍBV yfir eftir fínan sprett Cloé Lacasse upp kantinn en þaðan endaði boltinn hjá Kristínu Ernu Sigurlásdóttur sem síðan skilaði honum yfir á Katie. Staðan 1:0 og martraðarbyrjun hjá Kópavogsliðinu. Næstu mínútur skiptust liðin á að sækja og fór þar mest fyrir Cloé Lacasse í liði Eyjakvenna en hún átti enn einn stórleikinn og reyndi hvað eftir annað á vörn gestanna.
Aftur rataði boltinn í net gestanna á 25. mínútu leiksins en þá slapp Kristín Erna í gegn og kláraði færi sitt með góðu skoti, óverjandi fyrir Sonný Láru �?ráinsdóttur í marki Breiðabliks. Umdeilt atvik átti sér stað eftir tæpan 40 mínútna leik þegar Cloé Lacasse féll við inni í vítateig eftir viðskipti sín við varnarmann Blikanna. Dómarinn sá hins vegar ekkert athugavert og áfram hélt leikurinn.
Liðsmenn ÍBV mættu sterkar til leiks í síðari hálfleik en Rut Kristjánsdóttir ógnaði marki gestanna í tvígang með stuttu millibili á upphafsmínútunum. Sömuleiðis áttu Blikar fína spretti og sóttu án þess þó að skapa sér nein alvöru marktækifæri. Lokastaðan því 2:0 sigur ÍBV á Breiðabliki, virkilega kærkominn og sanngjarn sigur.

Nýjustu fréttir

Áhugavert
MAST, Fiskistofa og Verðlagsstofa skiptaverðs sameinuð
Aðsend grein
Það þarf meira en hús til að reka skóla
Fréttir
Grjótleit komin á fullt á Haugasvæðinu
Úr blaði Eyjafrétta
Vigga og Guðni hafa heimsótt 86 lönd og eru hvergi nærri hætt
Myndband
Sólhlíð, Áshamar og Stakkagerðistún
Áhugavert
Fyrstu kjarnasýnin komin upp á Landeyjasandi
Aðsent
Hélt að verið væri að gera grín í sér
Myndband
Útlaginn gefur út sitt fyrsta lag: „Þetta er bara byrjunin“
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.