Þynging Hæstaréttar á dómi yfir manni sem níddist á þremur telpum í Vestmannaeyjum er fordæmisgefandi, að mati lögmanns þeirra. Maðurinn var dæmdur í átta ára fangelsi. Í september á síðasta ári dæmdi héraðsdómur manninn í sjö ára fangelsi. Páley Borgþórsdóttir lögmaður, sem var réttargæslumaður telpnanna fyrir héraðsdómi, taldi þann dóm of vægan. Hún benti meðal annars á að einungis hafi verið dæmt fyrir kynferðisbrot gegn börnum en ekki fyrir brot gegn 194. grein almennra hegningarlaga sem fjallar um beitingu ofbeldis eða hótun um ofbeldi við nauðgun.