Stelpurnar í fjórða flokki í handbolta mættu ofjörlum sínum í úrslitaleik bikarkeppninnar í dag. ÍBV mætti þá Selfossi í Laugardalshöll en í dag fóru fram bikarúrslitaleikir yngri flokkanna. Lokatölur urðu 22:33 en í hálfleik var staðan 13:17 Selfossi í vil. Leikurinn var jafn framan af, Selfoss var reyndar ávallt skrefi á undan en Eyjastúlkur náðu alltaf að halda í við 1. deildarliðið en ÍBV spilar í 2. deild Íslandsmótsins. Hægt var að fylgjast með leiknum á vefsíðunni www.sporttv.is.