- Eyjafréttir
- ·
- Fréttir
- ·
Um 1000 manns búin að skrifa undir
Alls hafa rétt tæplega 1000 manns skrifað nafn sitt á undirskriftarlista sem er á netinu en þar er þess krafist að deiluaðilar í verkfalli undirmanna á Herjólfi, setjist niður og standi ekki upp aftur fyrr en um semst. Undirskriftasöfnunin hófst í morgun og sýnir þessi mikli fjöldi undirskrifta hversu mikið málið brennur á Eyjamönnum, og fleirum reyndar.
Allt stefnir í að Herjólfur sigli aðeins fjórar ferðir á viku á næstunni þar sem Sjómannafélag Íslands, sem fer fyrir undirmönnum í deilunni, hefur boðað hertari verkfallsaðgerðir þannig að auk þess að leggja niður yfirvinnu, verði vinna einnig lögð niður á föstudögum. �?að þýðir að engar Herjólfsferðir verða í boði föstudaga, laugardaga og sunnudaga.
